Inizio > Bisita-nos > Uesca pa toz
   

Uesca pa toz

Uesca s'amuestra a o bisitán con una imbidiable calidat de bida, con toz os serbizios e equipamientos nezesarios pa deparar-le una estacha agradable e bariada, chunto con un caracter espitalario, como reflexo de l'amabilidat d'as suyas chens.

L'ozio tranquilo que representa una gambada por as carreras d'o suyo casco istorico, as crompas en o suyo comerzio tradizional e a degustazión d'a gastronomía suya puede completar-se con as bisitas a molimentos como a Seu, a Ilesia de San Pietro o Biello, o Museu Diozesano, l'Arqueolochico Probinzial, e Pedagochico e o Centro de Arte y Naturaleza, CDAN, edefizio obra de l'arquitecto Rafael Moneo, que contiene obras e exposizions d'artistas contemporanios.

D'una man, o entorno de Uesca ufre a o bisitán a ufierta turistica más impactán pa practicar actibidaz tan bariadas como o golf, o buelo en parapén, belero u abioneta; esportes acuaticos como o windsurf; deszenso de ríus en canoa, rafting u hidrospeed; chunto a atras de risque como a escalada e o deszenso de barrancos en a zercana Sierra de Guara. D'atra man, en o entorno d'a ziudat existe un rete de senders pa disfrutar d'agradables paseyos a pie u en bizicleta, que nos leban ta racons pintorescos, fuens, labercas, armitas como as de Salas, Zillas e Loreto, u o singular castiello de Montaragón, que domina as planuras d'a Foya de Uesca.



Menzión espezial d'ozio pa toz merexen as fiestas en onor a San Lorién. Cada año, d'o 9 a o 15 d'agosto, a ziudat e as suyas chens se bisten de blanco e berde e l'ambién se plena d'olor a albaca. As fiestas, declaradas d'interés turistico nazional, atrayen a un gran numbro de turistas e satisfan a publicos de totas as edaz.




carnet
SD Huesca Espacio 0,42 Palacio de congresos

Proximamén
 L'aplicazión de Uesca Turismo pa o tuyo móbil

Pa que Uesca Turismo siga siempre con tú, descarga-te a millor aplicazión en o tuyo móbil I-Phone



Hoya de Huesca

APP